Құрамы:

Минералды майлар, глицерин, тилоксапол, полоксамер 188, трис гидрохлорид, трометамин, цеталкония хлорид (катионды зат ретінде), инъекцияға арналған су.

Консерванттарсыз.

Дәрілік құрал болып табылмайды.

Сипаттамасы

Катионорм® — консерванттарсыз, офтальмологиялық стерильді гипотониялық эмульсия, сүт түстес сұйық түрінде шығарылады.

Катионорм® «құрғақ көз» синдромының белгілерін — шаншу, қышу, ашу, бөгде затты сезіну (құм немесе шаң әсеріндей) — жоюға арналған. Мұндай белгілер сыртқы факторлардан (кондиционердің әсері, ластану, ұшақпен ұзақ ұшу, компьютерде жұмыс істеу, рефракциялық хирургия, контактты линзаларды тағу және т.б.) немесе мейбомий бездерінің дисфункциясы сияқты патологиялық жағдайлардан туындауы мүмкін.

Катионорм® көз бетін ылғалдандырады, майлайды және қорғайды.

Қолдану жөніндегі ұсынымдар

Катионорм® көзге тамызуға арналған.

Ұсынылатын мөлшерлеу тәртібі: әр көзге күніне 1–4 рет 1 тамшыдан.

Катионорм® қолдану нұсқаулығы

• Қолды жуыңыз.
• Алғаш рет қолданар алдында қақпақтағы қорғаныс сақинасын клапаннан тартып алып тастаңыз.
• Қақпақты абайлап тартып ашыңыз.
• Флаконды бас және сұқ саусақ арасында ұстаңыз.
• Флакон ұшының саусаққа тимеуін қадағалаңыз.
• Басты артқа шалқайтыңыз.
• Төменгі қабақты абайлап тартып, жоғары қараңыз.
• Флаконды көздің үстіне қойып, қолдың сыртын маңдайға тигізіңіз.
• Абайлап бір тамшы тамызып, бірнеше рет жыпылықтаңыз.
• Флакон ұшымен көзге немесе кірпіктерге тимеңіз.
• Әр қолданғаннан кейін қақпақты жауып қойыңыз.

Флаконды пайдаланбаған кезде қорапта сақтау ұсынылады.

Алғаш ашқаннан кейін 3 айдан артық қолданбаңыз.

3 айдан кейін пайдалану инфекция қаупін арттырады.

Жағымсыз әсерлері

Өте сирек жағдайда уақытша ыңғайсыздық болуы мүмкін: көздің тітіркенуі, ауыру, бөгде затты сезіну, көздің қызаруы, шаншу, жас ағу, ашу сезімі, уақытша көрудің бұлдырлауы, қабақтың қабынуы немесе ісінуі.

Бұл белгілер, әдетте, құрғақ көз синдромына тән және негізгі офтальмологиялық аурудың бөлігі болуы мүмкін.

Арнайы нұсқаулар

• Препарат құрамындағы кез келген затқа аллергия болса, қолданбаңыз.
• Қажет болған жағдайда дәрігерге немесе фармацевтке жүгініңіз.
• Басқа көз тамшыларымен бірге қолданғанда әр препаратты тамызу арасында кемінде 5 минут үзіліс жасаңыз. Катионорм® әрқашан соңғы болып тамызылуы керек

Өзара әрекеттесуі

Катионорм® барлық түрдегі контактты линзалармен үйлесімді.

Сақтау шарттары

• 30 °C-тан аспайтын температурада сақтау.
• Балалар қолы жетпейтін жерде сақтау.
• Флакон зақымдалған болса, қолданбаңыз.
• Қаптамада көрсетілген жарамдылық мерзімі өткеннен кейін қолданбаңыз